Lirik Syiir Tanpo Waton (Sholawat Gus Dur)
Astaghfirullah rabbal baroya
Astaghfirullah minal khotoya
Robbi zidni ‘ilman naafi’a
Wawafiqni amalan sholiha
Ya Rosulullah, salamun alaik
Ya rafi’a syaani wadaroji
Athfatayyaji rotal ‘alami
Ya uhailaljudi wal karomi
Ngawiti ingsun nglaras syi’iran
Kelawan muji maring Pangeran
Kang paring rohmat lan kenikmatan
Rino wengine tanpo pitungan
Duh bolo konca priya wanita
Ojo mung ngaji syareat bloko
Gur pinter ndongeng nulis lan maca
Tembe mburine bakal sengsara
Akeh kang apal Qur’an Haditse
Seneng ngafirke marang liyane
Kafire dewe dak digatekke
Yen isih kotor ati akale
Gampang kabujuk nafsu angkara
Ing pepaese gebyare ndunya
Iri lan meri sugihe tangga
Mulo atine peteng lan nista
Ayo sedulur jo nglalekake
Wajibe ngaji sak pranatane
Nggo ngandelake iman tauhide
Baguse sangu mulyo matine
Kang aran sholeh bagus atine
Kerono mapan seri ngelmune
Laku thoriqot lan ma’rifate
Ugo haqiqot maning rasane
Al–Qur’an qodim wahyu minulya
Tanpo tinulis biso diwaca
Iku wejangan guru waskita
Den tancepake ing jero dada
Kumantil ati lan pikiran
Mrasuk ing badan kabeh jerone
Mu’jizat Rosul dadi pedoman
Minongko dalan manjinge iman
Kelawan Alloh Kang Moho Suci
Kudu rangkulan rino lan wengi
Ditirakati diriyadohi
Dzikir lan suluk jo nganti lali
Uripe ayem rumongso aman
Dununge roso tondo yen iman
Sabar narimo najan pas – pasan
Kabeh tinakdir saking Pangeran
Kelawan konco dulur lan tangga
Kang podho rukun ojo dursila
Iku sunahe Rosul kang mulya
Nabi Muhammad panutan kita
Ayo nglakoni sekabehane
Alloh kang bakal ngangkat drajate
Senajan asor toto dhahire
Ananging mulyo maqom drajate
Lamun palastra ing pungkasane
Ora kesasar roh lan sukmane
Den gadang Alloh swarga manggone
Utuh mayite uge ulese